PABLO PAZ:

Percusionista polifacético e multidisciplinar, especializado en música clásica e música dos séculos XX e XXI.

Coas súas formacións gravou e tocou en diferentes teatros e festivais de Francia (Mezzo TV, Radio France e Opera de Lille), Alemaña (Festival Europeo de Dusseldorf), Países Baixos (Festival de Limburgo, Festival Let's Catch Up, Teatro AINSI ...), Bélxica (Theatre de Liège, La Monnaie, Ópera de Flandes, Ópera de Wallonia) Luxemburgo ou España (Merza Percusion Festival, Festival de Música Actual de Badaxoz, Xornadas de Música Contemporánea de Santiago de Compostela, Festival de Música Contemporánea de Badaxoz) entre outras salas e teatros de Europa.

No campo orquestral traballou con algunhas das principais orquestras de Bélxica: Orquestra Philarmonique Royal de Liège, Ópera Real de Valonia, Ópera e Ballet de Flandres e Ópera de "La Monnaie" (Bruselas).

Paralelamente á percusión clásica formouse no eido da música popular, estudiando percusión brasileira con Antonio Monedero, Paulo Silva ou Andrés Rivero; caixón flamenco con Ramón Porrina e José Carrasco; batería con Carlos Bastón, Marc Colomer, Valentín Iturat, entre outros. Actualmente traballa e colabora con grupos de batucada tales como Latexo Percusión, Olodum do Coio ou Surdópatas do Matogrosso. Así mesmo, traballou con diversas formacións de música pop, latina e africana.

Licenciouse no Conservatorio Superior de Música de Badaxoz. Así mesmo, especializouse en música contemporánea no Conservatoire Royal de Liège, Bélxica.  Actualmente profesor de percusión do Conservatorio de Música do Carballiño.

Como membro de Kendrah, forma parte da sección de percusión marcando os ritmos tradicionales no timbau.